最近全國攏在佮新冠病毒共存，我也穢着（ùe–tio̍h, 感染）了，時間是2022年12月20日。
到今已經第六日了，情況好㩼囉。
好在我早有預備 加減（ke-kiám, 一點）藥、礦泉水、肉佮菜，生病期間免煩惱（huân-ló, 擔心）東煩惱西。
頭日透早（thàu-tsá, 早上）起牀，發現喉嚨唔舒服，但是無在意伊，繼續上班。
下晝（ẽ-tàu, 下午）食了飽，發現還是唔舒服，料定是新冠，決定轉（tńg, 回）宿舍觀察。
暗時（àm-sî, 晚上）發燒熱（huat sio-jia̍t），腳軟手軟。用探熱針（thàm-jia̍t-tsam, 體溫計）探熱，確認是低燒，所以無去醫生舖（ui-seng-phòu, 診所）問藥（mn̄g-io̍h），家己（ka-kī, 自己）處理。
吃粒布洛芬（pòu-lo̍k-hun）落肚，之後去睏頃。
睏醒，燒熱已退。
夜時，喉渴（âu-khuah, 口渴），時時爬起來食滾水（kún-tsúi, 開水）。
第二日，畏寒（kuâⁿ），咳嗽（ka-sàu），痰涎（thâm-nuā, 痰和唾液）㩼，鼻塞，通身還有加減痠軟，額頭還有滴囝燒。食了透早，配水食粒布洛芬落。睏之前還食加粒布洛芬。
第三日，額頭已經袂燒了，肌肉有滴滴囝痠痛，另外還有咳嗽、鼻塞佮流鼻水。食了氯雷他定（le̍k-lûi-tha-tẽng），流鼻水的症狀有所緩解。
夜昏時（méng-sî, 晚上），測了抗原，顯示雙槓，陽性。
留幾粒布洛芬備用， 存（tshûn, 剩）落个四粒通過抗疫互助平台發佈出去。
十二點左右，一位附近發高燒个陌生人收着了這四粒仙丹。
第四日，起牀發覺肌肉已經袂（bõi, 不會）痠痛了。
中晝洗了个浴（sói-lióu-kâi-e̍k, 洗了個澡），然後去曝日頭燒（pha̍k ji̍t-thâu-sio, 曬太陽），很舒服。
隔無若久覺得頭有加減眩（hîn, 暈），鼻水青流白流，拭（chhit, 擦）掉了半个紙。
下晝給厝內（tshù-lãi, 家裏）寄滴囝藥、口罩佮抗原。
暗頭（àm-thâu, 傍晚）煮了蝦糜(mûe, 粥)。
夜昏時八九點時已經頭袂眩了。
第五日，零下（lâng-ē, 有時）鼻塞，零下流鼻水，伴有咳嗽，下晝開始還流目汁（mak-tsap, 眼淚）。
暗時，戴口罩落樓下丟垃圾然後散步。
睇着有个男人嚷着要跳樓，伊厝在二樓，有一个婦女在拖伊，不知是做呢遐絕望。
又行過一處，睇見幾隻貓囝猛猛鑽入灌木叢裏。無論我做呢引，就是唔出來。
頭頭有想要掠來飼（chhī, 養）个想法，後來轉念一想，覺得野貓也好，何必奪去伊个自由。
第六日，睏醒起來精神飽滿，喉嚨也無痛感，只存輕微咳嗽佮流鼻水。